Giornata Mondiale della Poesia 2016: le poesie più belle in napoletano
Ricorre il 21 marzo la Giornata mondiale della Poesia. Proprio in Italia e in particolar modo a Napoli, con la sua antichissima storia culturale, hanno vissuto umanisti, poeti e scrittori fra i più grandi della letteratura italiana, alcuni dei quali hanno scelto il dolcissimo suono del dialetto napoletano per ricamare i loro versi. In occasione dell'appuntamento che celebra una delle più complesse e preziosi arti dell'umanità, ecco un elenco di alcune tra le più famose poesie in dialetto napoletano.
1. Eduardo De Filippo, Napule è ’nu paese curioso
Eduardo De Filippo è stato drammaturgo e occasionalmente poeta. Nella sua produzione, una delle voci più belle è Napule è ’nu paese curioso, dedicata alla città con la quale ha sempre avuto un rapporto di straziante amore e conflitto.
Napule è ’nu paese curioso
è ’nu teatro antico, sempre apierto.
Ce nasce gente ca senza cuncierto
scenne p’ ’e strate e sape recità.
Nunn’è c’ ’o ffanno apposta; ma pe’ lloro
‘o panurama è ‘na scenografia,
‘o popolo è ’na bella cumpagnia,
l’elettricista è Dio ch’ ’e fa campà.
Ognuno fa na parte na macchietta
se sceglie o tip o n’omm a truccatura
L’intercalare, a camminatura
pe fa successo e pe se fa guarda.
2. Salvatore di Giacomo Pianefforte ‘e notte
Indimenticabile scrittore e saggista napoletano che ha attraversato un secolo della nostra letteratura e Salvatore Di Giacomo, il più noto tra i poeti napoletani. Famosissima è la sua Pianefforte ‘e notte
Nu pianefforte ‘e notte
sona luntanamente,
e ‘a museca se sente
pe ll'aria suspirà.È ll'una: dorme ‘o vico
ncopp'a nonna nonna
‘e nu mutivo antico
‘e tanto tiempo fa.Dio, quanta stelle ‘n cielo!
Che luna! E c'aria doce!
Quanto na della voce
vurria sentì cantà!
Ma sulitario e lento
more ‘o mutivo antico;
se fa cchiù cupo ‘o vico
dint'a ll'oscurità…Ll'anema mia surtanto
rummane a sta fenesta.
Aspetta ancora. E resta,
ncantannese, a pensà
3 Totò, a Livella
Ogn'anno,il due novembre,c'é l'usanza
per i defunti andare al Cimitero.
Ognuno ll'adda fà chesta crianza;
ognuno adda tené chistu penziero.Ogn'anno,puntualmente,in questo giorno,
di questa triste e mesta ricorrenza,
anch'io ci vado,e con dei fiori adorno
il loculo marmoreo ‘e zi' Vicenza.St'anno m'é capitato ‘navventura…
dopo di aver compiuto il triste omaggio.
Madonna! si ce penzo,e che paura!,
ma po' facette un'anema e curaggio.‘O fatto è chisto,statemi a sentire:
s'avvicinava ll'ora d'à chiusura:
io,tomo tomo,stavo per uscire
buttando un occhio a qualche sepoltura."Qui dorme in pace il nobile marchese
signore di Rovigo e di Belluno
ardimentoso eroe di mille imprese
morto l'11 maggio del'31"‘O stemma cu ‘a curona ‘ncoppa a tutto…
…sotto ‘na croce fatta ‘e lampadine;
tre mazze ‘e rose cu ‘na lista ‘e lutto:
cannele,cannelotte e sei lumine.Proprio azzeccata ‘a tomba ‘e stu signore
nce stava ‘n ‘ata tomba piccerella,
abbandunata,senza manco un fiore;
pe' segno,sulamente ‘na crucella.E ncoppa ‘a croce appena se liggeva:
"Esposito Gennaro – netturbino":
guardannola,che ppena me faceva
stu muorto senza manco nu lumino!Questa è la vita! ‘ncapo a me penzavo…
chi ha avuto tanto e chi nun ave niente!
Stu povero maronna s'aspettava
ca pur all'atu munno era pezzente?Mentre fantasticavo stu penziero,
s'era ggià fatta quase mezanotte,
e i'rimanette ‘nchiuso priggiuniero,
muorto ‘e paura…nnanze ‘e cannelotte.Tutto a ‘nu tratto,che veco ‘a luntano?
Ddoje ombre avvicenarse ‘a parte mia…
Penzaje:stu fatto a me mme pare strano…
Stongo scetato…dormo,o è fantasia?Ate che fantasia;era ‘o Marchese:
c'o' tubbo,'a caramella e c'o' pastrano;
chill'ato apriesso a isso un brutto arnese;
tutto fetente e cu ‘nascopa mmano.E chillo certamente è don Gennaro…
‘omuorto puveriello…'o scupatore.
‘Int ‘a stu fatto i' nun ce veco chiaro:
so' muorte e se ritirano a chest'ora?Putevano sta' ‘a me quase ‘nu palmo,
quanno ‘o Marchese se fermaje ‘e botto,
s'avota e tomo tomo..calmo calmo,
dicette a don Gennaro:"Giovanotto!Da Voi vorrei saper,vile carogna,
con quale ardire e come avete osato
di farvi seppellir,per mia vergogna,
accanto a me che sono blasonato!La casta è casta e va,si,rispettata,
ma Voi perdeste il senso e la misura;
la Vostra salma andava,si,inumata;
ma seppellita nella spazzatura!Ancora oltre sopportar non posso
la Vostra vicinanza puzzolente,
fa d'uopo,quindi,che cerchiate un fosso
tra i vostri pari,tra la vostra gente""Signor Marchese,nun è colpa mia,
i'nun v'avesse fatto chistu tuorto;
mia moglie è stata a ffa' sta fesseria,
i' che putevo fa' si ero muorto?Si fosse vivo ve farrei cuntento,
pigliasse ‘a casciulella cu ‘e qquatt'osse
e proprio mo,obbj'…'nd'a stu mumento
mme ne trasesse dinto a n'ata fossa"."E cosa aspetti,oh turpe malcreato,
che l'ira mia raggiunga l'eccedenza?
Se io non fossi stato un titolato
avrei già dato piglio alla violenza!""Famme vedé..-piglia sta violenza…
‘A verità,Marché,mme so' scucciato
‘e te senti;e si perdo ‘a pacienza,
mme scordo ca so' muorto e so mazzate!…Ma chi te cride d'essere…nu ddio?
Ccà dinto,'o vvuo capi,ca simmo eguale?…
…Muorto si'tu e muorto so' pur'io;
ognuno comme a ‘na'ato é tale e quale"."Lurido porco!…Come ti permetti
paragonarti a me ch'ebbi natali
illustri,nobilissimi e perfetti,
da fare invidia a Principi Reali?"."Tu qua' Natale…Pasca e Ppifania!!!
T"o vvuo' mettere ‘ncapo…'int'a cervella
che staje malato ancora e' fantasia?…
‘A morte ‘o ssaje ched"e?…è una livella.‘Nu rre,'nu maggistrato,'nu grand'ommo,
trasenno stu canciello ha fatt'o punto
c'ha perzo tutto,'a vita e pure ‘o nomme:
tu nu t'hè fatto ancora chistu cunto?Perciò,stamme a ssenti…nun fa"o restivo,
suppuorteme vicino-che te ‘mporta?
Sti ppagliacciate ‘e ffanno sulo ‘e vive:
nuje simmo serie…appartenimmo à morte!"
4. Salvatore di Giacomo, ‘A sirena
A Sirena è una delle più struggenti poesie di Salvatore di Giacomo che in questi versi canta via Santa Lucia, la storica strada che affaccia su Castel dell'Ovo in cui letterato ha vissuto.
Quanno ‘a luna, affacciánnose ‘a cielo,
passa e luce e, ‘int’a ll’acqua, se ‘mmira
e ce stenne, d’argiento, nu velo,
mentre ‘o viento da sera suspira;
quanno io sento, pe’ st’aria addurosa,
comma voce da terra luntana,
lenta lenta, suná na campana…
‘ntenneruto, mme metto a vucá…Tutte mme diceno:
“Pe’ sotto Pròceta,
si passe, scánzate,
ca c’è pericolo!
Ce sta na femmena
ca ‘ncanta ll’uommene…
se cchiamma e, a ll’úrdemo,
po’ ‘e ffa murí!”Ah!…voca, vo’…
Ma na Santa tengo io ca mme prutegge
e mme scanza pa via:
Santa Lucia…Santa Lucia…Voca voca!…’a ‘i’ ccá Pròceta nera,
sotto cielo sereno e stellato…
‘a vi’ ccá, ‘mmiez’a st’aria da sera,
tale e quale a nu monte affatato…
‘A vi’ ccá…che silenzio, che pace!
Ll’ora è chesta da bella sirena
scenne, sciulia, s’abbía ‘ncoppa rena…
e nu segno, cu ‘a mano, mme fa!…Na voce amábbele
tremma pe’ ll’aria:
“Scánzate, scánzate!…
ca staje ‘npericolo…
Chest’è na femmena
ca, sotto Pròceta,
‘ncantáte, ll’uommene,
fa rummané…”Ah!…voca, vo’…
Ma na Santa tengo io ca mme prutegge
e mme scanza pa via…
Santa Lucia…Santa Lucia…Voca voca, ‘a sirena mm’aspetta…
mme fa segno e, cantanno, mme dice:
“Piscató’, vuó’ cagná ‘sta varchetta
cu nu regno e na vita felice?”
Voca fore! ‘Sta voce ‘a cunosco…
Chi mme chiamma se chiamma Isabella…
Prucetana, si’ ‘nfama e si’ bella…
e mme stive facenno murí…Na voce amábbele
tremma pe’ ll’aria…
Ma è tutt’inutile,
nun mme pò vencere!…
Saccio a ‘sta femmena
ca, sotto Pròceta,
‘ncantate, ll’uommene,
fa rummané!…Ah!…voca, vo’…
Ma na santa tengo io ca mme prutegge
e mme scanza pa via:
Santa Lucia…Santa Lucia…
